சாப்பாட்டுராமன்

காலை 11 மணி. செல்போன் சிணுங்கியது எடுத்து ஆன் செய்தேன்.
ஹலோ சார் உங்க பேரு சாமிநாத பட்டரா?
ஆமா நீங்க யாரு?

இது தானே உங்க அட்ரஸ்?
ஆமாம் சார் அதே தான்.
இப்ப எங்க இருக்கீங்க?
வீட்டுல தான் சார் சொல்லுங்க!
பேசலாமா ?
தாராளமா பேசலாம், மாடி ரூம் நான் மட்டும் தனியா தான் இருக்கேன். சொல்லுங்க உங்களுக்கு என்ன பிரச்சனை? நீங்க யாரு?
சார் நான் ஹெல்த் டிப்பார்ட்மெண்ட் ல இருந்து பேசுறேன். நேத்திக்கு நீங்க டெஸ்ட் அட்டர்ன் பண்ணினீங்களா?
ஆமா சார்! மீனாட்சி அம்மன் கோயில் வாசல்ல வச்சு நடந்ததே அந்த கேம்ப் ல ஸ்வாப் டெஸ்ட் எடுத்துக்கிட்டேன்.
உங்க வயசு சார்?
52 ஆகுது. ஓகே என்ன சார் டெஸ்ட் ரிசல்ட் வந்துடுச்சா?
இல்லை. உங்க வீட்டுல எத்தனை பேர் இருக்கீங்க?
நானு, அம்மா, ஒய்ஃப், ரெண்டு டாட்டர்ஸ் மொத்தம் 5 பேரு இருக்கோம் சார்.
சார் நீங்க எங்க வேலை பார்க்குறீங்க?
மீனாட்சி அம்மன் கோயில்ல பூஜை பண்றேன்.
சமீபத்தில் எங்கேயாவது வெளிநாட்டுக்கு போய்ட்டு வந்தீங்களா?
இல்லையே சார் பரவாயில்லை தைரியமா சொல்லுங்க என்ன டெஸ்ட் ரிசல்ட் எனக்கு பாசிட்டிவ் ன்னு வந்திருக்கா?
அவர் பதட்டமாகி... ஐயோஅதுல்லாம் இல்லை சாமி!
அட சும்மா பயப்படாம சொல்லுங்க தம்பி G.H. க்கு கூட்டிட்டு போறதுக்கு வண்டி ஏதாச்சும் வருமா இல்லை நானே போய்க்கனுமா?
இல்லை சாமி அதுல்லாம் வேண்டாம்.
துணி மணி ரெண்டு செட் எடுத்துக்கிட்டா போதுமில்லையா? செல்போன் சார்ஜர் அலவ் பண்ணுவீங்களா?
சாமி நீங்க என்ன ரொம்ப ஸ்பீடா இருக்கீங்க விட்டா பெட்ல போயி நீங்களே அட்மிட் ஆயிருவீங்க போல?
அட என்ன தம்பி இங்கேயும் செல்லை நோண்டிக்கிட்டு சும்மா தான் இருக்கேன்.
அதையே அங்க வந்து பண்ணிட்டு போறேன். அவ்வளவு தானே?
சிரிப்பை அடக்க முடியாமல் தவித்தபடி...
சாமி எல்லாரும் ஹெல்த் டிப்பார்ட்மெண்ட் ன்னு சொன்ன உடனே பயந்துக்கிட்டு பதிலே சொல்ல மாட்டேங்குறாங்க இல்லேனா செல்போனை ஸ்விட்ச் ஆஃப் பண்ணிடுறாங்க! நீங்க என்ன சாமி எங்களையே கலாய்க்குறீங்க?!
தம்பி ரெண்டு நாளைக்கு முன்னால பேப்பர் ல பார்த்தேன் கொரோனா வார்டு ல கொடுக்கிற சாப்பாட்டு மெனு ன்னு.
படிக்கும் போதே நாக்குல எச்சில் ஊறிச்சு. எங்கே நமக்குல்லாம் கிடைக்கப் போவுது ன்னு இருந்துட்டேன். இப்ப நல்ல சான்ஸ் வந்துருக்கு... ஆண்டவனா பார்த்து என்னை 21நாளு 21 வகை உப்புமா ல இருந்து காப்பாத்த வழி பண்ணி இருக்காரு. விடலாமா?
எப்புடி