பத்து ரூபாய் செலவில் ஒரு பிரபல அரசியல் தலைவரின் திருமணம் முடித்தது என்றால் உங்களால் நம்ப முடிகிறதா? இன்றைய அரசியலில், மா.செ முதல் மாநில அமைச்சர்களின் 'இல்ல திருமண' விழாக்களில் பணம் படும் பாடு நாம் எல்லோரும் அறிந்ததே.
ஆனால் தோழர். ஜீவா அவர்கள் வெறும் பத்து ரூபாயில் தன் திருமணத்தை நடத்தி முடித்து இருக்கிறார்.
தனது திருமணத்திற்கு மிகவும் நெருக்கமான பத்துக்கும் உட்பட்ட தோழர்களை மட்டும் அழைத்து அவர்களில் ஒருவரிடம் ஒரு பத்து ரூபாயை கொடுத்து இரண்டு மல்லிகைப்பூ மாலை மீதமுள்ள பணத்திற்கு 'சாக்லேட்' மிட்டாய்களையும் வாங்கி வர சொல்லி, மணமக்கள் அந்த மல்லிகைபூ மாலையை மாற்றிக்கொண்டு அங்கிருந்தவர்களிடம் கையில் ஆளுக்கு ஒரு மிட்டாய் கொடுத்து அவ்வளவுதான் திருமணம் முடிந்து விட்டது எல்லோரும் போகலாம் என்றாராம்.
..........................
தான் எடுத்துகொண்ட அறம் சார்ந்த சிந்தாந்தத்திற்கு தன் வாழ்நாள் இறுதிவரை உயிரூட்டிய, மிகச்சொற்பமான அரசியல் தலைவர்களுள் ஒருவர்தான் தோழர்.திரு.ஜீவானந்தம். காந்திக்கு இணையாக வாழ்ந்த உண்மையான மனிதர்களுள் அவரும் ஒருவர்.
கல்வி கற்பதையும், கற்றுகொடுப்பதையும் பிறவிப் பயனாக கருதிய அதே காலகட்டத்தில் ஒரு சில சமூகத்தினற்கு மட்டுமே இருந்த வாய்ப்பை, அனைத்து சமூகத்தினருக்கும் கிடைப்பதற்காகவே ஜீவானந்தம் அய்யாவால் தொடங்கப்பட்டதுதான் தாம்பரம் “அவ்வை பள்ளி”.
Comments
Post a Comment